1 Piero

1 Piero, apòstolo de Gesù Cristo, a quei che i ze de star par poco tempo e spaiadi in Ponto, Galàssia, Capadòssia, Àsia e Bitìnia, a quei che i ze stati scoliesti 2 de acordo cola capassità de Dio, el Pare, de cognosser vanti el futuro, a quei che i ze stati fati santi par meso del spìrito, col ogetivo de esser obedienti e esser purificà par meso del sangue de Gesù Cristo. Vui che valtri gàpie sempre de pi la maraveiosa bontà de Dio e la pace. 3 El Dio e Pare del nostro Signor Gesù Cristo el mèrita lode, parché, de acordo cola so granda misericórdia, lu el ne ga fato nasser nantra volta par gaver una speransa viva par meso dela ressuression de Gesù Cristo. 4 Lu el ne ga dato una eransa che no la se rovina, che no la se contamina e che la resta par sempre. Ela la ze riservada nel cielo par valtri, 5 che sì protegesti par meso del poder de Dio, gràssie ala vostra fede, par gaver la salvassion, che la ze pronta par esser rivelada nel tempo del fin. 6 Par via de questo valtri sì tanto contenti, anca se par un poco de tempo gavé de patir diverse provassion. 7 Cossita la vostra fede provada e che la ga de pi valor che el oro che se rovina anca se l’è provado con fogo, la sìpia un motivo de lode, glòria e onor quando Gesù Cristo el sarà rivelà. 8 Anca se valtri no lo gavé mai visto, valtri lo amé. Anca se valtri no lo vedé adesso, gavé fede in lu, e resté tanto contenti con una gloriosa e maraveiosa alegria. 9 intanto che valtri ve sforsé de gaver el resultado dela vostra fede: la vostra salvassion. 10 I profeti che i ga profetisà sora la maraveiosa bontà che la ze dimostrada a valtri, i ze ndati in serca de saver sora questa salvassion in detali e con tanta atension. 11 Lori i ndea in serca de saver le robe che el spirito santo, che l’era in lori, el parlea che se realisaria in Cristo e quando che se realisaria, parché el spirito santo el ga profetisà el sofrimento de Cristo e la glòria che ghen saria dopo 12 Dio el ga fato i profeti saver che lori no i era drio profetisar par lori stessi, ma par valtri, e adesso queste robe le ze state rivelade a valtri par meso de quei che ve ga fato saver dele bone notissie. Lori i ga fato questo parché el spirito santo che l’è vegnesto del cielo li ga giutadi. E i àngeli i ze tanto interessadi de saver sora queste robe. 13 Par quela, gavé de pareciar la vostra mente par la atività, fé le robe con bon senso e che la vostra speransa la sìpia nela maraveiosa bontà che la ve sarà mostrada quando Gesù el sarà rivelà. 14 Compagno a fioi obedienti, no sté assar che la vostra voia che valtri gavei vanti de cognosser a Dio la seite moldarve. 15 Ma, gavé de esser santi in tuto quel che valtri fé, compagno del Santo che el ve ga ciamà, 16 parché l’è scrito: “Gavé de esser santi, parché mi son santo.” 22 Valtri sì deventadi puri parché obedì ala verità. Par quela, el amor che gavé come se fussi fradei l’è sinsiero. Alora, gavé de amar tanto e de cuor un al altro. 24 Parché “tute le persone le ze come la erba, e tuta la so glòria la ze come el fior del campo. La erba la se seca e el fior el casca do, 25 ma la parola de Geovà la resta par sempre”. E questa “parola” la ze le bone notìssie che le ze state anunsiade a valtri.