Isaia

35 El deserto e la tera seca i restarà contenti. El deserto el restarà contento e el ndarà fiorir come el assafron. 2 L’è sicuro che el fiorirà. Restarà contento e osarà de alegria. La glòria del Lìbano la sarà soa e anca la glòria del Carmelo e del Saron. Le persone le vederà la glòria de Geovà e el onor del nostro Dio. 5 In quel tempo i orbi i ndarà vederghe e i sordi i ndarà scoltar. 6 In quel tempo, el sòto el ndarà saltar come un cavreto e quei che no i parla i ndarà osar de contenti. E anca ghen sarà fontane de àqua nel deserto, e ghen sarà rii nela tera seca. 8 E lì ghen sarà una granda strada, si, una strada che la gavarà nome Strada dela Santità. El impuro no’l ndarà par questa strada. La sarà sol par quei che i va nela strada. Gnanca un stùpido el ndarà caminar lì. 9 Lì no ghen sarà leoni, e gnanca una bèstia cativa la ndarà par ela. No i sarà visti lì. Sol quei che Dio el ga risgatà i ndarà par ela.