1 Piero

2 Gavé de esser come bambini pena nassesti e voler tanto el late puro dela parola. Cossita, valtri ndaré cresser par la salvassion. 9 Ma valtri sì “una rassa scoliesta, sasserdoti e rè, una nassion santa, un popòlo par propietà spessial, par parlar dele bele qualità” de Quel che ve ga ciamà del scuro par la so maraveiosa luce. 10 Parché vanti valtri no eri un pòpolo, ma adesso sì el pòpolo de Dio. Vanti valtri no sì stati tratadi con misericòrdia, ma adesso gavé ricevesto misericòrdia. 11 Cari, ve suplico come a stranieri e come a quei che i ze de star nte un posto sol par poco tempo, de seitar a no far de acordo cole voie dela carne, che le fà guera contra valtri. 12 Seité a gaver un bon comportamento intrà le persone dele nassion. Alora, quando le ve acusa de far el mal, lore le ndarà veder le bone òpere che valtri fé e, cossita, lore le ndarà lodar a Dio nel giorno del so giulgamento. 13 Par causa del Signor, gavé de obedir a tute le autorità intrà le persone. Obedì al rè, che el ga tanta autorità, 14 e ai governanti, che i ze mandadi par castigar quei che i fà robe rugne e par lodar quei che i fà robe bone. 16 Sìpie come persone lìbere, ma no sté doperar la vostra libertà come scusa par far quel che l’è sbalià. Invesse, sìpie schiavi de Dio. 17 Deghe onor a tuti, gàpie amor par tuta la nostra fameia de fradei, rispeté tanto a Dio e deghe onor al rè. 18 I servi i ga de obedir i so paroni con tuto el rispeto che lori i mèrita, nò sol quei boni e quei rasoàbili, ma anca quei che l’è fadiga de contentar. 21 Par quela valtri sì stati ciamadi, parché fin Cristo el ga sofrio par valtri, e el ve ga assà el esémpio par ndarghe drio dei so passi con atension. 22 Noʼl ga mia fato pecato, gnanca se ga catà ingano nela so boca. 23 Quando i ghe disea su, lu no’l ghe disea su indrio. Quando i lo fea sofrir, noʼl minassea, ma el se fidea in quel che giulga de maniera giusta. 24 Lu pròpio el ga portà i nostri pecati nel so corpo, nel legno. Cossita, semo morti par i pecati e vivemo par la giustìssia. E “par via dei soi ferimenti gavé guarì.” 25 Parché valtri eri come piégore perse, ma adesso gavé tornà par el pastor e superintendente dele vostre ànime.