Luca

16 Alora, lu anca el ga dito ai dissìpoli: “Un omo sior el gavea un omo che el tendea dela so casa, e lu l’è stà acusà de magnar fora el capital del so paron. 2 Cossita, el omo sior lo ga ciamà e el ghe ga dito: ‘Quel che scolto sora ti no l’è mia bon! Rendi conto de quel che te ghè fato, parché no te assarò pi comandar la me casa.’ 9 “Mi anca ve digo: Fé amighi par meso dele richesse ingiuste, parché, quando queste le ve mancarà, lori i ve riceverà nei posti de star eterni. 10 Quel che l’è fedele nele pìcole robe l’è fedele anca nele robe pi grande. Quel che l’è ingiusto nele pìcole robe el sarà ingiusto anca nele robe pi grande. 11 Alora, se valtri no sì mia stati de fidarse par doperar le richesse de questo mondo ingiusto, chi che ndarà fidarse in valtri par darve quele vere? 13 Nissun pol laorar come schiavo par due paroni; parché, o el ga de odiar un e amar quel altro, o el ga de unirse a un e despresar quel altro. No podé laorar come schiavi par Dio e par le Richesse.”