Esdra

4 Quando i nemighi de Giudà e de Bengiamin i ga savesto che quei che i gavea ritornà del esìlio i era drio far su un témpio a Geovà, el Dio de Israel, 2 i ze ndati suito dirghe a Zorobabel e ai paroni dele fameie: “Volemo laorar nela costrussion con valtri, parché anca noantri adoremo al vostro Dio e femo sacrifissi par lu del tempo che el rè dela Assìria, Esar-Adon, el ne ga menà quà.” 3 Ma, Zorobabel e Gesua, e i altri paroni dele fameie de Israel, i ghe ga dito: “Valtri no ndaré far su con noantri una casa par el nostro Dio, parché sol noantri ndaremo far su una casa par Geovà, el Dio de Israel, cossita come Siro, rè dela Pèrsia, el ne ga ordinà.” 4 Alora, le persone dele nassion le seitea desanimar el pòpolo de Giudà e lori i proea fermarli de far la costrussion. 5 In tuti i giorni de Siro, rè dela Pèrsia, fin el regno de Dario, rè dela Pèrsia, i ga contratà òmini importanti del governo par no assarli laorar e par intrigar quei che i laorea. 6 Nel scomìnsio del regno de Assuero, lori i ga scrito una acusassion contra el pòpolo de Giudà e Gerusalen. 7 Dopo, nei giorni de Artasserse, rè dela Pèrsia, Bislon, Mitredate, Tabeel e quei altri che i laorea con lori i ga scrito una carta al rè Artasserse. Lori i ga scrito la carta nela léngua aramaica e i la ga tradusida. 11 questo l’è el testo dela carta che lori i ghe ga envià.) “Par el rè Artasserse, dei to servi, i òmini che i ze de star al oeste del rio Eufrate: 12 Volemo dirte a ti, rè, che i giudei che i ze vegnesti de lì par el nostro teritòrio i ze rivadi a Gerusalen. Lori i ze drio far su la cità de persone rugne e desobediente, finindo i muri e rangiando i fondamenti. 13 Volemo che el rè el sàpia che, se i far su nantra volta la cità anca coi so muri, lori no i pagarà pi imposti, gnanca tributi, gnanca pedàgio, e questo el ndarà causar pregiudìssio al tesoro del rè. 14 Come l’è par meso dei soldi del palàssio che noantri guadagnemo nostro salàrio, no saria mia giusto restar fermi intanto che vedemo i interessi del rè esser pregiudicadi. Par quela, enviemo al rè queste informassion, 15 par far una investigassion nel libro dei registri dei to antenati. Ti te ndaré veder nel libro dei registri che, fin nei tempi antighi, questa cità la ze una cità desobediente, che la costuma causar pregiudìssio e ndar contra i rè. L’è par quela che la ze stata destruta. 16 Volemo avisarte che, se i far su nantra volta questa cità anca coi so muri, el rè no’l gavarà gnanca un controlo dela region al oeste del rio Eufrate.”