Ésodo

22 “No sté far patir la védova e gnanca el òrfano. 23 Se te li fè patir de qualche maniera, e lori i me domanda aiuto, sicuro che vao scoltar el so osar. 24 La me ràbia se impissarà e ve coparò cola spada. Le vostre done le restarà védove e i vostri fioi i restarà òrfani. 26 “Se te tol su la roba de vestir de qualchedun come garansia de un préstio, te ghè de dàrghela indrio vanti che el sol vae do. 27 Parché ze la ùnica roba che el ga par quèrderse, la roba che querde el so corpo. In cossa che el se butarà do par dormir? Quando el me domandarà aiuto, sicuro che vao scoltar, parché go compassion.