Gioani

9 Intanto che lu el caminea, el ga visto un omo che l’era orbo de quando l’è nassesto. 2 I so dissìpoli i ghe ga domandà: “Istrutor, parché che questo omo l’è nassesto orbo? L’è stà par via de un pecato suo, o de so pare e so mare? 3 Gesù el ga rispondesto: “Gnanca de lu, gnanca de so pare e so mare. Ma ga sucedesto questo con lu par mostrar quel che Dio el pol far. 4 Ghemo de far el laoro de Quel che el me ga mandà intanto che l’è ancora di. L’è drio vegner note e nissuni i podarà laorar. 5 Intanto che son nel mondo, son la luce del mondo.” 6 Dopo, el ga spuà in tera, el ga ciapà un poco de tera moia e la ga passada nei oci del omo orbo. 7 Lu el ghe ga dito: “Va lavarte nela granda stua de Siloè” (che vol dir “quel che l’è stà mandà”). Alora, lu l’è ndà lavarse e quando l’è tornà el podea vederghe. 35 Gesù el ga savesto che i lo gavea parà via. Alora, quando lo ga catà, el ghe ga domandà: “Gheto fede nel Fiol del omo?” 36 El omo el ghe ga rispondesto: “Elo chi, signor? Vui gaver fede in lu.” 37 Gesù el ghe ga dito: “Ti te lo ghè visto E varda, lu l’è drio parlar con ti adesso.” 38 El omo el ghe ga dito: “Mi go fede in lu, Signor!” E el se ga indenocià davanti de lu.