1 Corinti

6 Fradei, mi go doperà el me esémpio e quel de Apolo par insegnarve la règola: “Gavé de far sol quel che l’è scrito”, par nò restar orgoliosi e pensar che un l’è meio che quel altro. 7 Cossa che te ghè de difarente dei altri? Cossa che te ghè che no te gàpia ricevesto? Se te ghè ricevesto, parché te te comporti come se no te gavessi ricevesto? 9 Me par che Dio el ga presentà noantri come apòstoli par ùltimi come condanadi a morte, parché semo deventadi un spetàcolo par el mondo e par i àngeli e par i òmini. 11 Fin adesso, ghemo patio fame e sen, no ghemo le robe de vestir che basta, ghemo ciapà bote, semo sensa posto ndove star 12 e gavemo laorà tanto cole nostre man. Quando i ne dise su, li benedimo. Quando semo perseghidi, soportemo con passiensa. 13 quando che i parla mal de noantri, noantri rispondemo con gentilessa;... 16 Alora, mi ve suplico: fé compagno a mi. 17 L’è par quela che ve mando Timòteo, parché lu l’è el me fiol amà e fedele nel Signor. Lu el ndarà farve ricordar dela me maniera de far le robe in union con Gesù Cristo, cossita come son drio insegnar in tute le bande, in tute le congregassion.