Salmi

5 Lu el ga fato la tera firme sora la so fondassion. Mai la sarà sgorlada, par sempre. 12 I osei del cielo i resta nele piante lì intorno e i canta in meso le so foie. 13 Là su del cielo, Dio el fà vegner do àqua sora i monti. La tera la resta piena dei laori dele so man. 14 Lu el fà cresser la erba par le bèstie e le piante par le persone. Cossita, la tera la ghe dà de magnar. 15 Lu el dà el vin che el assa contento el cuor del omo, el òio che el fà la so fàcia slusar, e el pan che ghe dà forsa al so cuor. 24 Quante le ze le to òpere, ò Geovà! Te ghè fato tuto col to grando saver. La tera la ze piena de quel che te ghè fato. 25 Là ghen’è el mar, profondo e tanto grando, pien de diverse creature, le pìcole e le grande. 27 Tuti lori i speta che te ghe dè el magnar nel tempo giusto. 28 Lori i tol su quel che te ghe dè. Quando ti te verdi la man, lori i ga tante robe bone. 29 Quando te scondi la to fàcia, i resta disturbadi. Se te tiri via el spìrito, i more e i torna ala polver. 30 Se te mandi el to spìrito, i ze creadi, e te fè nova la superfìssie dela tera. 31 La glòria de Geovà la restarà par sempre. Geovà el va restar pròpio contento con quel che el ga fato. 33 Vao cantar a Geovà par tuta la me vita. Mi vao cantar e lodar a Geovà fin che son vivo.