Isaia

61 El spìrito del Sovrano Signor Geovà l’è sora mi. Parché Geovà el me ga scoliesto par predicar le bone notìssie ai mansi. El me ga mandà par guarir quei che i ga el cuor spacà, par avisar i presonieri che i sarà moladi e par verder i oci de quei che i ze in preson. 2 El me ga mandà par proclamar el ano dela bona volontà de Geovà e el giorno del giulgamento del nostro Dio, e par consolar tuti quei che i piande. 4 Lori i farà su nantra volta i posti che ghen’era vanti. I farà su i posti abandonadi del passà e i rangiarà le cità destrute, i posti che i ze stati abandonadi par tante generassion.