Proverbi

9 La vera sabedoria la ga fato su la so casa. La ga fato su le so sete colone. 2 La ga parecià tanta carne, la ga parecià el so vin e la ga postà la so tola. 3 Ela la ga mandà le so schiave ndar nel posto pi alto dela cità par dir cossita: 4 “Che i vegna qua tuti quei che no i ga speriensa!” A quei che no i ga mia giudìssio, ela la dise: 5 “Vegné e magné del me pan e bevé el vin che go parecià. 6 Se volé seitar vivi, ferméve de far compagno quei che no i ga speriensa. Ndé avanti nela strada de quei che i ga sabedoria.” 10 La prima roba par gaver sabedoria la ze gaver grando rispeto par Geovà, e par capir le robe ghe ocore cognosser a Dio, el Santìssimo. 13 La dona stùpida la ghe piase sprosiarse. La ze ignorante e no la sa pròpio gnente. 14 Ela la se senta nte una carega davanti la so casa, nte un posto alto dela cità. 15 Ela la ciama quei che i ze drio caminar par strada, che i ze drio ndar passar davanti. Ela la ghe dise: 16 “Che i vegna qua tuti quei che no i ga speriensa!” A quei che no i ga mia giudìssio, ela la dise: 17 “La àqua che la ze stata ciavada la ze dolsa, e el pan che se magna sconto l’è tanto bon.” 18 Ma lori no i sa che quei che i ze lì i ze sensa vita, gnanca che quei che i va rento i ze nel fondo del Sepolcro.