Salmi

72 Ò Dio, faghe saver al rè le to dessision, e insegna al fiol del rè far giustìssia come ti te la fè. 2 Lu el ndarà giulgar de maniera giusta la nassion che te ghè scoliesto, e el ndarà tratar i to servi ùmili con giustìssia. 3 I monti i portarà pace ale persone, e i montesei i ghe portarà giustìssia. 4 El rè el difenderà le persone ùmile, el salvarà i fioi dei poareti e el finirà fora con quel che li imbroia. 5 I to servi i gavarà tanto rispeto par ti durante tuto el tempo che el sol el seitarà slusar e che ghen sarà la luna, o sia, par sempre. 6 Lu el sarà come la piova che la vien do sora la grama taiada, come tanta piova che bagna la tera. 7 Quando lu el governarà, ghen sarà tanti giusti, e ghen sarà tanta pace fin che no ghen sìpia pi la luna. 8 Lu el governarà de mar a mar, e del rio Eufrate fin i limiti dela tera. 12 Parché lu el giutarà i poareti che i fà sùplica par aiuto, el salvarà i ùmili e tuti quei che ghe ocore de aiuto. 13 El ùmile e el poareto i ndarà farghe pecà, e el ndarà salvar la vita dei poareti. 14 Lu li liberarà dele persone rugne e violente, e el sangue de lori el sarà pressioso par lu. 16 Ghen sarà tanti grani nela tera. Anca su i monti se ndarà tor su tanto de magnar. I fruti del rè i vegnarà su come nel Lìbano, e nele cità ghen sarà tante persone quanto la vegetassion dela tera.