Daniel

13 “Go continuà a vardar nele vision dela note, e go visto un che lʼera someiante a un fiol de omo rivar cole nùvole del cielo. E el ga guadagnà el dirito de rivar al Antigo de Giorni, e i lo ga fato rivar darente, davanti a Lu. 14 E el ga ricevesto autorità, onor e un regno, parché tuti i pòpoli, nassion e léngue i lo servisse. La so autorità la ze de durassion eterna, che no ndarà finirse, e el so regno noʼl sarà mia rovinà. 15 “Ma mi, Daniel, son restà tanto ansioso parché le robe che go visto le me ga spaurà. 16 Son ndà darente de un dei àngeli che i era lì in pié, e ghe go domandà cossa quele robe le volea dir del bon. Alora, lu el me ga rispondesto e el me ga spiegà cossa che ghe volea dir. Lu el ga dito: 17 “‘Le quatro bèstie tanto grande che te ghè visto le ze quatro rè che i governarà la tera. 26 Ma el Tribunal el se ga riunio, e i ghe ga tirà via el poder che el gavea par comandar, par finirlo e destruserlo del tuto. 27 E ai santi che i serve al Supremo i ghe ga dato el poder par comandar e el onor dei regni de tuta la tera. E questo regno l’è un governo che el dura par sempre e tuti i governanti i ndarà servirli e obedirghe.