Isaia

5 Un el ndarà dir: “Mi son de Geovà.” Nantro el ndarà ciamarse par el nome de Giacò e ancora nantro el ndarà scriver nela man: “Mi son de Geovà”, e el ndarà risponder par el nome Israel.’ 7 Chi che l’è compagno a mi? Che el parle in alta voce e che el mostre che l’è come mi! Che el diga le robe che no le ga gnancora sucedesto e quel che sucederà, cossita come mi sempre go fato de quando go scoliesto el me pòpolo tanto tempo indrio. 8 No sté mia restar spauradi gnanca sensa saver cossa far. No lo go dito a cada un de valtri vanti che sucedesse? No ve go contà? Valtri sì le me testimònie. Sarà che ghen’è nantro Dio? Nò, e no ghen’è nantro che pol protegerve. No ghen cognosso nantro.’” 9 Tuti quei che i fà imàgine de dèi no i ze gnente, Lori i ama i so dèi, ma no i li giutarà mia. Queste imàgine le ze so testimònie che no le vede gnente e no le sa gnente. Par quela, quei che le ga fato i restarà invergognadi. 27 Quel che el dise ale àque profonde: ‘Svamporive! Vao far i vostri rii restar suti’. 28 Quel che el dise sora Siro: ‘Lu l’è el me pastor e lu el ndarà far tuto quel che mi vui.’ Quel che el dise sora Gerusalen: ‘La sarà fata su nantra volta’, e sora el témpio: ‘El so fondamento el scominsiarà a esser fato.’”