Colossensi

2 Seité pensar sempre nele robe de sora, e nò nele robe dela tera. 5 Alora, buté via del vostro corpo la imoralità sessual, la sporchìssia, la voia sessual sensa controlo, la voia par far quel che l’è rugno e la voia de voler sempre de pi, che l’è compagno a adorar ìdoli. 6 La ràbia de Dio la vegnerà sora lori par causa de queste robe. 7 Anca valtri fea cossita nela vostra maniera de vita de vanti. 8 Ma adesso gavé de assar distante de valtri tute queste robe: la fùria, la ràbia, la cativeria, el parlar che ofende e el parlar imoral. 9 No sté contar busie un al altro. Gavé de cavarve via la vècia personalità cole so pràtiche, 10 e gavé de vestirve cola nova personalità, che, par meso dela cognossensa giusta, la ze drio esser fata nova de acordo cola imàgine de Quel che la ga creà; 11 ndove che no ghen’è greco gnanca ebreo, sirconsiso e gnanca nò sirconsiso, foresto, sita, schiavo, o omo lìbero; ma Cristo l’è tute le robe e in tuti. 12 Par quela, come persone che Dio el ga scoliesto, sante e amade, gavé de meterve su forti sentimenti de compassion, bontà, umiltà, brandura e passiensa. 13 Seité soportarve un al altro e perdonarve un al altro del tuto, anca se qualchedun el gàpia motivo par parlar contra nantro. Cossita come Geovà el ve ga perdonà del tuto, valtri gavé de far compagno. 14 Ma sora tute queste cose, gavé de vestirve del amor, parché el amor el une de maniera perfeta. 15 La pace del Cristo la regne nel vostro cuor, parché valtri sì stati ciamadi a questa pace in un sol corpo. E mostreve grati. 16 Che la parola del Cristo la devente parte de valtri con tuta la so sabedoria. Seité a insegnar e incoraiarve un al altro con salmi, lodi a Dio e bei càntichi par ringrassiar a Geovà. Seité a cantar de cuor par lu. 19 Seité amar le vostre spose e no gavé de esser rabiosi con lore. 20 Fioi, obedì al pupà e ala mama in tute le robe, parché ghe piase al Signor. 21 Genitori, no sté iritar i vostri fioi, par che no i reste desanimadi. 23 Tute le robe che ndaré far, gavé de farle de tuto el cuor e tuta la vostra forsa. Gavé de farle come par Geovà e nò par òmini, 24 parché valtri savé che l’è de Geovà che ndaré ricever la eransa come presente. Gavé de laorar come schiavi par el Signor, Cristo.