Mateo

10 Alora lu el ga ciamà i so 12 dissìpoli e el ghe ga dato autorità sora spìriti impuri, par pararli via e par curar tuti i tipi de malatie e tuti i tipi de magagne. 5 Gesù el ga mandà i 12 apòstoli e el ghe ga dito: “No sté ndar par le strade dele nassion e no sté ndar rento gnanca una cità de Samaria. 6 Invesse, ndé sol ale piégore perse intrà le persone de Israel. 8 Valtri ndaré guarir i maladi, ressussitar i morti, curar i leprosi e parar via i demoni. Gavé ricevesto sensa pagar gnente, alora gavé de dar sensa cobrar gnente. 11 “Quando rivé nte una cità o nte un paeseto, ndé in serca de quei che i mèrita el messàgio e resté lì fin che ndé via. 16 “Mi ve mando come piégore in meso de lobi. Par quela, gavé de esser prudenti come le bisse, ma inossenti come le colombe. 19 Ma quando ndaré esser giulgadi, no sté restar ansiosi con cossa che gavé de parlar o come che gavé de parlar, parché nela ora giusta ndaré saver quel che gavé de parlar. 20 Parché no saré sol valtri che ndaré parlar, ma el spìrito santo del vostro Pare che el ndarà parlar par meso de valtri. 22 E tuti i ve odiarà par causa del me nome. Ma quel che persevera fin el fin el sarà salvo. 23 Quando i ve perseghe nte una cità, scampè via par nantra. Parché mi ve digo la verità: De gnanca una maniera valtri ndaré passar par tute le cità de Israel vanti che rive el Fiol del omo. 27 Quel che digo sol par valtri gavé de dir a tuti. Quel che ve parlo in voce bassa gavé de parlar ai altri in alta voce. 29 No se vende due pardai par una moneda de poco valor? Ma, gnanca un de questi el va cascar par tera sensa che el vostro Pare el sàpia. 30 Ma fin tuti i cavei dela vostra testa i ze contadi. 31 Alora no sté gaver paura; valtri valé de pi che tanti pardai. 32 “Alora, tuti quei che i dise davanti dei òmini che i ze in union con mi, anca mi ndarò parlar davanti de me Pare, che l’è nei cielo, che son in union con lori. 33 Ma quel che el me rigeta davanti dei òmini, anca mi lo rigetarò davanti de me Pare, che l’è nel cielo. 34 No sté pensar che son vegnesto portar pace ala tera; son vegnesto portar nò la pace, ma la spada. 35 Parché son vegnesto meter un contra el altro, el fiol contra so pare, la fiola contra so mare e la nora contra so sogra. 36 Alora, i nemighi del omo i sarà quei dela so pròpia fameia.