2 Corinti

6 Laoremo insieme con Dio, alora ve suplichemo: no sté acetar la granda bontà de Dio e dopo desmentegarve del so ogetivo. 2 Parché lu el ga dito: “Nte un tempo giusto mi te go scoltà, e nte un giorno de salvassion te go giutà.” Vardé, adesso l’è el tempo pròpio giusto. Eco, ancoi l’è el giorno de salvassion! 3 No femo gnente che podaria far mal ala fede de qualchedun, cossita nissuni i podarà parlar mal del nostro laoro. 4 Invesse, noantri semo un bon esémpio come ministri de Dio in tuto quel che femo, parché soportemo tante provassion, tribolassion, mancansa de quel che ne ocore, dificoltà, 5 soto bote, nele preson, nele revolte, nel laoro duro, nele note sensa dormir, nei tempi sensa magnar; 6 par via dela puressa, dela cognossensa, dela passiensa, dela bontà, del spìrito santo, del amor sensa ipocrisia, 7 de parole vere, del poder de Dio, dele arme dela giustìssia che le tegnemo cola man drita e cola sanca 8 quando i ne loda o i ne critica, quando i parla ben de noantri o quando i parla mal. I pensa che semo imbroioni, anca se parlemo la verità. 10 come tristi, ma sempre contenti; come poareti, ma sempre fando altri siori; come sensa gaver gnente, ma ancora cossita gavendo tute le cose. 11 Fradei de Corinto, parlemo con valtri con sinsierità e de tuto el nostro cuor. 12 Noantri semo drio amarve del tuto, ma valtri no sì drio amarne cossita. 13 Alora ve parlo come se fussi me fioi: gavé de tratarne come noantri ve ghemo tratà, verdé del tuto el vostro cuor. 14 No sté meterve soto una canga con quei che no i crede mia. Ghen’è qualcossa che se someia intrà la giustìssia e quel che l’è contra la lege? O intrà la luce e el scuro? 17 “‘Alora, ndé via de in meso de lori e tireve fora’, dise Geovà, ‘e fermeve de tocar in cose sporche’”, “‘e mi ve riceverò’”. 18 “’E mi sarò un pare par valtri, e valtri sarè fioi e fiole par mi’, dise Geovà, el Tuto Poderoso.”