Mateo

18 In quela ora, i dissìpoli i ze rivadi darente Gesù e i ghe ga domandà: “Chi che l’è el pi importante nel Regno dei cieli?” 3 e el ga dito: ”‏Mi ve digo la verità: Se valtri no cambié e no deventé come tosatei, no ndaré mia al Regno dei cieli. 6 Ma chi che fà strabucarse un de questi picinini che i ga fede in mi, saria meio par lu che pichesse nel so còl un sasso de molin de quei che el mul el fà ndar a torno, e che el fusse sfondà nel mar profondo. 10 No sté mia farghe dispeti a un de questi pìcoli, parché ve digo che so àngeli che i ze nel cielo i ze sempre davanti me Pare, che l’è nel cielo. 12 “Cossa che valtri pensé? Se un omo el ga 100 piégore e una de lore la se perde, no’l assaria le 99 nel monte e el ndaria in serca de quela che la se ga perso? 13 E se lu la cata, sicuro che el restarà pi contento con quela de che con quele 99 che no le se ga mia perso. 14 Dela medèsima maniera, la voia del me Pare, che l’è nel cielo, la ze che gnanca un de questi pìcoli i se perde. 15 Se el to fradel el fà un pecato contra ti, te ghè de ndar ti sol e parlarghe del sbàlio. Se lu el te scolta, te sì stà bon de giutarlo. 16 Ma se lu no’l te scolta mia, te ghè de ciamar una o due persone come testimònie. Alora, de acordo con quel che le due o tre testimònie le parla, se podarà esser sicuri de quel che ga sucedesto. 17 Se ancora cossita lu no’l scolta mia, te ghè de parlar ala congregassion. Se lu no’l scolta gnanca la congregassion, lu el ga de esser par ti come una persona dele nassion o come un che el ciapa imposti. 20 Parché ndove ghen’è due o tre riunidi in me nome, lì sarò mi in meso de lori 21 Piero l’è rivà darente e el ghe ga domandà: “Signor, se el me fradel el sbàlia contra mi, quante volte go de perdonarlo? Fin 7 volte?” 22 Gesù el ghe ga dito: “Mi no te digo fin sete volte, ma fin 77 volte. 23 “L’è par quela che el Regno del cielo el pol esser come un rè che el volea che i so schiavi i paghesse i dèbiti che i gavea con lu. 28 Ma quel schiavo l’è ndato via e el ga catà nantro schiavo compagno lu che el gavea un dèbito de 100 denari con lu. Lu lo ga ciapà par el col e el ghe disea: ‘Paga i to dèbiti!’ 29 Alora, quel altro schiavo el se ga indenocià e el ga suplicà: ‘Porta passiensa con mi. Mi vao pagarte.’ 31 Quando i altri schiavi i ga visto quel che gavea sucedesto, i ze restadi tanto tristi e i ze ndati contar tuto al rè. 32 Par quela, el rè lo ga fato vegner davanti de lu e el ghe ga dito: ‘Schiavo rugno! Quando te me ghè suplicà, te go perdonà tuto quel dèbito. 33 Sarà che anca ti no te gavarissi bio de dimostrar misericòrdia a quel che l’era schiavo compagno a ti, cossita come mi te go dimostrà misericòrdia?’ 35 Me Pare nel cielo el ndarà tratarve dela stessa maniera, se cada un de valtri no’l perdona de cuor el so fradel.”