Ezechiel

11 “’Cossita dise el Sovrano Signor Geovà: “Son qua, e mi pròpio vao in serca dele me piégore e vao ténderle. 12 Vao tender dele me piégore come un pastor che el cata le so piégore perse e el ghe dà de magnar. Vao ricuperarle de tuti i posti che le ze state spaiade nel giorno de nùvole e scuridon. 13 Vao salvarle del meso dei pòpoli e vao riunirle de tuti i posti. Vao menarle ala so tera e vao farle magnar nei monti de Israel, darente dele àque e in tuti i posti ndove ghen’è persone nel paese. 14 Vao menarle par magnar nte un posto che ghen’è un bel pasto e lore le ndarà magnar nei grandi monti de Israel. Lore le se butarà do nte un bel prà e le ndarà magnar del meio pasto che ghen’è nei monti de Israel.” 15 “‘“Mi pròpio vao tender dele me piégore e mi vao farle butarse do”, dise el Sovrano Signor Geovà. 16 “Mi vao in serca de quela che la ze persa. Vao giutar a ritornar quela che la se ga ciapà in drio. Vao meter fasse in quela che la se ga fato mal. Vao giutar la fiaca a vegner pi forte. Ma mi vao finir fora cola gorda e cola forte. Queste mi vao giulgar e darghe la punission che le mèrita.”