Neemia
8 Lori i ledea a voce alta el libro dela Lege del vero Dio e i spieghea ben quel che la volea dir. Cossita lori i era boni de giutar el pòpolo a capir quel che i ledea. 9 Dopo che i ga ledesto la Lege, tuto el pòpolo el ga tacà piander. Alora, Neemia, el governador, Esdra, el sasserdote e copista, e i leviti che i era drio insegnar al pòpolo, i ghe ga dito: “Ancoi l’è un giorno santo par Geovà, el vostro Dio. No resté in luto e no sté piander.” 10 Neemia el ghe ga dito: “Ndé, magné el meio magnar e bevé le bebide dolse, e mandé porsion de magnar a quei che no i ga gnente, parché questo giorno l’è santo par el nostro Signor. No sté mia restar tristi, parché la alegria che la vien de Geovà la ze la vostra fortalessa.” 11 E, par calmar le persone, i leviti i disea: “No sté piander, parché questo giorno l’è santo. No sté restar tristi.” 12 Par quela, tuto el pòpolo l’è ndato magnar e bever. Anca, lori i ga mandà magnar ai altri, e i ze restadi tanto contenti, parché i ga capio quel che l’è stà insegnà a lori.