Isaia

15 Parché questo l’è quel che el Sovrano Signor Geovà, el Santo de Israel, el ga dito: “Se valtri torné a mi e resté tranquili, valtri gavaré la salvassion. Valtri gavaré forsa se resté tranquili e se valtri ve fidé in mi.” Ma valtri no gavé mia scoltà. 18 Ma Geovà l’è drio spetar con passiensa par giutarve e el ndarà agir par mostrarve misericòrdia. Parché Geovà l’è un Dio de giustìssia. Quei che i lo speta i ze felici. 19 Quando le persone le ndarà de star nel monte Sion, in Gerusalen, no te ndarè mai pi piander. Quando te ndarè domandar aiuto, sicuro che Dio el ndarà giutarte. Lu el ndarà scoltarte e el te risponderà suito. 20 Ancora che lu el ve darà la aflission come pan e la opression come àqua, Geovà, el vostro Grandioso Istrutor, no’l ndarà pi scónderse. Ndaré veder el vostro Grandioso Istrutor coi vostri oci. 21 E, se valtri assé la strada giusta par ndar ala drita o ala sanca, ndaré scoltar cole vostre récie queste parole par de drio de valtri: “Questa la ze la strada. Ndé par ela.” 23 E Dio el darà la piova par la semensa che ti te semeni in tera, e vegnarà dela tera tanto magnar che el dà sostansa. In quel giorno, le so piégore le gavarà un posto grando par pastar. 24 I boi e i muli che i laora la tera i magnarà un magnar de bona qualità, spartio cola badila e col forcheto. 25 Nel giorno che tanti i sarà copadi, quando le tore le cascarà do, ghen sarà rii e tanta àqua in tuti i monti alti e in tuti i montesei. 26 E la luce dela luna piena la sarà compagna ala luce del sol, e la luce del sol la sarà sete volte pi forte, come se fusse la luce de sete giorni. In quel giorno, Geovà el ndarà meter fasse nele bronde del so pòpolo e el ndarà guarir le feride del colpo che el ghe ga dato. 29 Ma valtri ndaré cantar una cansion come quela che se canta nela note che ve parecié par una festa. E restaré contenti de cuor come quel che camina con una flauta fin el monte de Geovà, el Protetor de Israel.