Nùmeri

12 Mirian e Aron i ga scominsià a parlar contra Moisè par causa dela dona cusita che lu el se gavea maridà, parché ela la era cusita. 2 Lori i disea: “Sarà che l’è sol par meso de Moisè che Geovà el ga parlà? No’l ga parlà anca par meso de noantri?” E Geovà l’era atento. 3 Moisè l’era, de pi de che qualche altro, el omo pi manso de tuta la tera. 8 Ghe parlo fàcia a fàcia, ciaro, sensa robe de indovinar. Lu el vede come Geovà el se mostra. Alora, parché no gavé bio paura de parlar contra me servo, contra Moisè?” 11 Suito Aron el ga dito a Moisè: “Te suplico, signor mio! Te domando, no stà incolparne de questo pecato! Semo stati bauchi in quel che ghemo fato. 12 Te domando, no stà assar che Mirian la reste come un bambino che l’è nassesto morto e con metà dela so carne smarsia!” 13 E Moisè el ga scominsià a suplicar a Geovà: “Ò Dio, par piaser! Fàla star meio, par piaser!”