2 Rè

5 Naaman, el paron del esèrsito del rè dela Sìria, l’era un omo importante e el gavea el rispeto del so paron. Par meso de lu, Geovà el gavea dato la vitòria ala Sìria. Lu l’era un poderoso gueriero ancora che el gavesse lepra. 2 Una volta, quando i siri i ga atacà la tera de Israel, i gavea portà via a forsa una toseta. Ela la ze deventada serva dela sposa de Naaman. 3 Un giorno, ela la ga dito ala so parona: “Se el me signor sol ndesse catarse col profeta che l’è in Samaria, lu ndaria guarirlo dela so lepra!” 11 Alora Naaman l’è restà inrabià e l’è ndato via. El ga dito: “Go pensà: ‘Lu el vegnarà fora e el restarà in pié davanti de mi. Dopo, el invocarà el nome de Geovà, el so Dio, e el ndarà mover la man sora la lepra par curarla.’ 12 In Damasco, ghen’è i rii Abana e Farpar, che i ze meio de tuti i rii de Israel. No posso lavarme lì e restar puro?” E lu l’è ndato via cativo. 13 Cossita, i so servi i ze rivadi darente e i ghe ga dito: “Me pare, se el profeta el te gavesse dito par far una roba tanto difìcile, no te ndarissi farla? Ma el te ga sol dito: ‘Lavate e resta puro.’ Alora, l’è pi fàcile!” 14 Par quela, lu l’è ndato al rio Giordon e el se ga metesto sete volte soto la àqua, come el ghe gavea dito el omo del vero Dio. Cossita, la so carne la ze restada sana e la ze deventada come quela de un tosatel e l’è restà curà. 15 Dopo, Naaman e tuti òmini che i era con lu i ze tornadi al omo del vero Dio. Lu l’è restà davanti del profeta e el ghe ga dito: “Adesso mi sò che ghen’è Dio sol in Israel e nò in altra parte dela tera. Alora, gavaria caro che te acetessi un presente del to servo.”