Salmi

101 Vao cantar sora el amor leal e sora la giustìssia. Vao cantar lodi a ti, Geovà. 2 Mi vao star atento e far polito. Quando te vegnarè giutarme? Rento la me casa, vao obedirte de tuto el cuor. 3 No vao vardar gnente che sìpia sensa valor. Òdio le robe sbaliade che le persone le fà. Par quela, no restarò insieme de lore. 4 Tegno distante de mi el cuor sbalià. 5 Vao far restar sito quel che sconto el dise busie sora i altri. No vao acetar quel che el ga òci aroganti e el cuor orgolioso. 6 Vardarò quei che i ze fedeli dela tera, cossita i sarà con mi. Quei che i fà quel che l’è giusto i ndarà servirme. 7 Gnanca una persona falsa la ndarà de star nela me casa. E gnanca un busier el ndarà restar davanti de mi. 8 Tute le matine vao finir coi rugni dela tera. Vao finir fora dela cità de Geovà quei che i fà el mal.