Isaia

11 Un ramo novo el vegnarà fora dela soca de Giessè, e un novo buto el vegnarà fora dele so radise e el darà fruti. 2 “El spìrito de Geovà el vegnerà sora lu, el spìrito de sabedoria e comprension, el spìrito de consìlio e de potensa, el spìrito de cognossensa e de temor de Geovà. 3 E lu el sentirà piaser nel temor de Geovà. Lu no’l giulgarà d’acordo con quel che se vede, gnanca el darà reprension sol secondo quel che el scolta. 4 Lu el giulgarà i poareti con giustìssia. Lu el castigarà de maniera giusta par giutar i boni che ghen’è nela tera. Lu el ndarà bater nela tera col baston dela so boca e el ndarà copar i rugni col sufiar dei so lavri. 5 La giustìssia la sarà come una sinta nela so sintura e la fidelità come una sinta nei so quarti. 6 El lobo el ndarà viver insieme col piegoreto, e el leopardo el se butarà do col beco. El vedeleto, el leon e el vedel i starà tuti insieme, e un tosatel li menarà. 7 La vaca e el orso i ndarà magnar insieme, e i so picinini i se butarà do insieme. El leon el magnarà paia compagno el toro. 8 El bambin el ndarà giugar sora la busa dela serpente, e el picinin deslatà el meterà la man sora el gnaro dela bissa velenosa. 9 No i farà mal gnanca i farà dano in tuto el me santo monte, parché sicuro che la cognossensa sora Geovà la impienirà la tera, cossita come la àqua la impienisse el mar. 10 In quel giorno, la radisa de Gessè la vegnarà fora come un segnal par tute le persone. Le nassion le ndarà in serca de lu par saver cossa far, e ghen sarà tanta glòria nel posto ndove lu l’è de star.