Giò

2 “Adesso sò che te sì bon de far tute le robe e no ghen’è gnente de quel che te pensi che no te pol far. 5 Go scoltà parlar de ti, ma adesso te vedo coi me oci. 6 Par quela, domando scusa, e me ciamo tanto gramo de quel che go dito.” 7 Dopo che Geovà el ga parlà queste parole a Giò, Geovà el ga dito a Elifaz, de Teman: “Mi son tanto inrabià con ti e coi to due amighi, parché valtri no gavé parlà la verità sora mi, cossita come Giò el ga parlà. 8 Adesso ciapé sete vedèi e sete cavreti e ndé al me servo Giò. Fé un sacrifìssio brusà par valtri stessi e el me servo Giò el ndarà pregar par valtri. Sicuro che ndarò far quel che lu el ndarà domandarme, de no castigarve de acordo cole robe stùpide che gavé dito. Parché valtri no gavé parlà la verità sora mi, come el me servo Giò el ga fato.” 9 Alora Elifaz, el temanita, Bildade, el suìta, e Zofar, el naamatita, i ze ndati e i ga fato quel che Geovà el ghe gavea ordinà. E Geovà el ga scoltà la orassion de Giò. 10 Dopo che Giò el ga pregà par i so amighi, Geovà el ga finio cola so tribolassion e lo ga fato esser sior nantra volta. Geovà el ghe ga dato el dópio de quel che el gavea vanti. 17 Alora, Giò l’è morto, dopo de una vita longa e bela.