Luca

12 Nte un de quei giorni, lu l’è ndato al monte par pregar, e el ga pregà a Dio tuta la note. 22 “Valtri saré felici sempre che i altri i ve òdia, i ve assa de banda, i parla robe brute sora valtri e i ve dise su, par causa del Fiol del omo. 23 Quando questo sucede, podé restar felici e saltar de contenti parché la vostra ricompensa la ze granda nel cielo, parché anca i so antenati i ga fato cossita coi profeti. 31 Anca, gavé de tratar i altri come volé esser tratadi. 32 “Se valtri amé quei che i ve ama, caté che merité qualcossa? Parché fin i pecadori i ama quei che i ga amor par lori. 33 E, se valtri fé el ben a quei che i fà el ben a valtri, caté che merité qualcossa? Fin i pecadori i fà cossita. 36 Gavé de mostrar sempre misericòrdia come el vostro Pare el fà. 37 “E no sol questo, fermeve de giudicar, e nò saré giudicadi. E fermeve de condanar, e nò saré condanadi. Seité perdonar e saré perdonadi. 38 Seité dar, e ve sarà dato. I ve meterà nela piega dela vostra roba una bona mesura, socada do, sgorlada e che la va par sora. Parché la medèsima mesura che doperé coi altri, i va doperar con valtri.” 40 El studiante no l’è meio che el so maestro. Ma se ghe insegna ben, el sarà come el so maestro. 45 El omo bon el tira fora quel che l’è bon del bon tesoro del so cuor, ma el omo rugno el tira fora quel che l’è rugno del so tesoro rugno. Quel che la persona la parla el mostra tuto quel che la ga nel cuor.