Esdra

1 Nel primo ano de Siro, rè dela Pèrsia, Geovà el ga fato che Siro el fesse una proclamassion in tuto el so regno, de una maniera che la fesse compir la parola che Geovà el ga parlà par meso de Geremia. Lu anca la ga assada scrita e la disea cossita: 2 “Siro, rè dela Pèrsia, el dise cossita: ‘Geovà, el Dio del cielo, el me ga dato tuti i regni dela tera e lu el me ga ordenà farghe su una casa in Gerusalen, che la ze in Giudà. 3 Quei che i ze del so pòpolo, che so Dio el sìpia con lori. Che vae su a Gerusalen, in Giudà, par farghe su nantra volta la casa de Geovà, el Dio de Israel, el vero Dio, che la era in Gerusalen. 4 Che tuto quel che l’è de star come straniero, no importa ndove che lu l’è de star, che el riceva dei so visini argento, oro, cose de valor e bèstie, insieme cola oferta volontària par la casa del vero Dio, che la era in Gerusalen.’” 5 Alora, i paroni dele fameie de Giudà e de Bengiamin, insieme coi sasserdoti e i leviti, sì, tuti quei che el vero Dio el ga dato un cuor disposto, i se ga pareciadi par far su nantra volta la casa de Geovà, che la era in Gerusalen. 6 Tuti i visini li ga giutadi e i ghe ga dato cose de argento, de oro, cose de valor, bèstie e altre cose pressiose, e anca tute le oferte volontàrie.