Deuteronómio

7 “Quando Geovà, el to Dio, el te menarà ala tera che te sì pronto par ndar rento e ciaparla par ti, lu el va anca parar via de davanti de ti sete grande nassion: i ititi, i girgasei, i amorei, i cananei, i perisei, i evei e i gebusei. Queste nassion le ze pi grande e pi forte che ti. 2 Geovà el to Dio el te darà queste nassion nele to man e el te farà vinserle e ti te ghè de finirle fora. No stà mia far gnanca un acordo con queste nassion e no stà mostrarghe compassion. 3 No stà far matrimoni cole persone de queste nassion. No stà dar le to fiole par maridarse coi so fioi, gnanca stà ciapar le so fiole par maridarse coi to fioi. 4 Lori ndarà far che i vostri fioi i asse de servirme e lori i ndarà servir altri dèi. Cossita, Geovà el va inrabiarse contra valtri e suito ndarà finirve fora. 5 “Invesse, gavé de far cossita: finir fora coi so altari, spacar fora tute le colone de adorassion, trar do i palanchi sacri e brusar le so stàtue de adorassion. 6 Te sì un pòpolo santo par Geovà to Dio. E Geovà, el to Dio, el te ga scoliesto par farte deventar el so pòpolo, la so propietà spessial intrà tuti i pòpoli dela tera. 7 “Geovà el ga mostrà afeto par valtri e el ve ga scoliesto, nò parché eri el pòpolo pi grando de tuti, invesse valtri eri el pòpolo pi pìcolo de tuti. 8 Ma l’è stà parché Geovà el ve ga amà e par far quel che el gavea prometesto ai vostri antenati. Par quela, Geovà el ve ga risgatà dela man de Faraò, rè del Egito, dela tera de ndove eri schiavi, e l’è stà con man poderosa che lu el ve ga fato vegner fora de là. 9 Te sè pròpio ben che Geovà, el to Dio, l’è el vero Dio, el Dio fedele. Lu el fà quel che el ga prometesto e el mostra amor leal par mila generassion de quei che i lo ama e i obedisse i so comandamenti. 10 Sicuro che lu el finirà fora con quel che i lo òdia. No’l ghe meterà a far qualcossa contra quei che i lo òdia, l’è cossita che lu el ghe farà a lori. 11 Alora, stà atento de far pròpio come dise i me comandamenti, le me lege e le me òrdine che mi te dao ancoi, e te ghè de obedirli. 15 Geovà el ndarà finir fora del to pòpolo tute le malatie e no’l farà vegner sora ti gnanca una dele brute malatie che te ghè cognossesto nel Egito. Invesse, lu le farà vegner sora quei che i ga òdio par ti.