Filipensi

9 Ghen’è arquante robe che seito domandar in orassion. Domando che el vostro amor el sìpia cada volta pi grando cola cognossensa giusta e tuta la capassità de capir. 10 Domando che sìpie sicuri de quale che le ze le robe pi importante par esser sensa difeti e no far altri far un pecato, fin el giorno de Cristo. 12 Fradei, vui che valtri savé che in verità la me situassion la ga giutà che le bone notìssie le vae avanti. 14 Adesso, tanti fradei nel Signor i ga de pi confiansa par causa dele me cadene e i ze drio mostrar ancora de pi coraio par parlar sensa paura dela Parola de Dio. 18 E cossa che l’è drio suceder? No importa come i lo fà, se con bone intension o nò, i ze drio parlar sora el Cristo e par quela mi son contento. E vao seitar esser contento, 19 parché mi sò che dopo vao ricever la salvassion, par meso dele vostre sùpliche e col aiuto del spìrito de Gesù Cristo. 27 Sol ve domando de viver de acordo cole bone notìssie del Cristo. Cossita, se vao catarve o nò, mi posso gaver notìssie de valtri e mi posso saver che valtri seité firmi cola medèsima maniera de pensar, intesi, e che valtri sì drio lotar un dela banda del altro par la fede nele bone notìssie, 28 sensa assar che i vostri nemighi ve spaure. L’è pròpio questo che par lori l’è un segnal de destrussion, ma par valtri vol dir esser salvi, e questo vien de Dio.