2 Cróniche

10 Quando Atalia, mare de Acazia, la ga visto che so fiol l’era morto, la ga copà tuti i dissendenti del rè de Giudà. 11 Ma Geosabeate, fiola del rè, la ga portà via Geoàs, fiol de Acazia, de intrà i fioi del rè che i saria copadi e lo ga sconto nte un quarto insieme cola dona che lo tendea. Geosabeate, fiola del rè Georon, che la era so dona del sasserdote Geoiada e sorela de Acazia, la ze stata bona de tegnerlo sconto de Atalia, e cossita ela no lo ga copà. 12 Lu l’è stà sconto par sei ani insieme de lori nela casa del vero Dio, intanto che Atalia la governea el paese come regina.