Salmi

112 Lodé a Geovà! Felice l’è el omo che el teme Geovà e che el ghe piase tanto dei so mandamenti. 2 I so dissendenti i gavarà tanto poder nela tera. E la dissendensa dei giusti la sarà benedida. 3 Nela so casa ghen’è tante robe e richesse. La so giustìssia la ze par sempre. 4 Par quei che i ze giusti, lu el slusa come luce nel scuro. Lu l’è compassivo, misericordioso e giusto. 5 Felice l’è quel che el ghe dà in prèstio de maniera generosa. Lu el fà le robe con giustìssia. 6 Mai el ndarà spaurarse. Sempre i se ricordarà del omo che l’è giusto. 7 Lu no’l gavarà paura de brute notìssie. So cuor l’è forte, el se fida in Geovà. 8 El so cuor no’l resta preocupà e lu no’l ga paura. Nel fin, el ndarà vinser i so nemighi. 9 Lu el ghe dà ai altri de maniera generosa, el giuta i poareti. La so giustìssia la resta par sempre. El so poder el vegnarà pi grando con glòria. 10 Quel che l’è rugno el ndarà veder e restarà fora de testa. El ndarà sgrinciar i denti e no’l sarà pi visto. Le voie del rugno le deventarà gnente.