Génesi

5 Questo l’è el libro dela stòria de Adon. Nel giorno che Dio el ga creà Adon, lu lo ga fato ala So someiansa. 2 El ga creà el omo e la dona. Nel giorno che i ze stati creadi, lu li ga benedidi e li ga ciamadi de “omo”. 3 Quando Adon el gavea 130 ani l’è deventà pare de un fiol che l’era ala so someiansa, ala so imàgine, e lo ga ciamà de Sete. 4 Dopo che l’è nassesto Sete, Adon el ga vivesto 800 ani. E lu l’è deventà pare de fioi e de fiole. 5 Cossita, Adon el ga vivesto 930 ani, e dopo, lu l’è morto. 6 Sete el ga vivesto 105 ani e dopo l’è deventà pare de Enos. 7 Dopo che l’è nassesto Enos, Sete el ga vivesto 807 ani. E lu l’è deventà pare de fioi e de fiole. 8 Cossita, Sete el ga vivesto 912 ani, e dopo, lu l’è morto. 29 El ghe ga dato el nome Noè. El ga dito: “Lu el ne darà consolo del nostro laoro e del grando sforso che femo cole nostre man, parché Geovà el ga maledio la tera.