Salmi

96 Canté un novo càntico a Geovà. Canté a Geovà tute le persone dela tera! 2 Canté a Geovà. Che tuti i benedissa el so nome. Proclamé giorno dopo giorno le bone notìssie de salvassion che vien de lu. 3 Parlé sora la so glòria a tute le nassion. Parlé a tute le nassion dele robe maraveiose che el ga fato. 8 Deghe a Geovà la glòria che el so nome el mèrita. Porteghe un presente e vegné rento i so cortivi. 9 Adoré a Geovà parché lu l’è santo. Che tute le persone dela tera le gàpia tanto rispeto par lu! 10 Parlé a tute le nassion: “Geovà l’è deventà Rè!” La tera la ghen sarà par sempre e mai la sarà finida fora. Dio el giulgarà le persone con giustìssia. 11 Resté contenti, tuti quei che i ze nel cielo e nela tera. Che el mar e tuto quel che ghen’è nel mar i ose de contenti. 12 Che i campi e tuto quel che ghen’è lì i gàpie alegria. E al medèsimo tempo che le piante dela floresta le ose de alegria 13 davanti de Geovà, parché el vien. Lu el vien par giulgar la tera. Lu el giulgarà le persone con giustìssia e la gente con lealtà.