Giona

2 Alora, quando l’era rento la pansa del pesse, Giona el ga pregà a Geovà, el so Dio. 2 Lu el ga dito: “Quando son restà angustià mi go domandà aiuto de Geovà e lu el me ga rispondesto. Dela parte pi profonda del Sepolcro mi go suplicà par aiuto e ti te ghè scoltà la me voce. 3 Quando te me ghè trato al mar, in meso el profondo mar, la forsa dela àqua la me ga sfondà. Mi son restà in meso a tute le to onde poderose. 4 E mi go dito: ‘Mi son stà parà via de davanti dei to oci! Come che mi ndarò vardar nantra volta el to santo témpio?’ 5 La àqua la me ga sfondà e la ga minassà la me vita. Le àque profonde le era intorno a mi. E le alghe del mar le se ga imucià nela me testa. 6 Son stato sfondà fin el scomìnsio dei monti. La tera la era drio sarar le so tranche sora mi par sempre. Ma te ghè fato la me vita vegner su del sepolcro, ò me Dio, Geovà. 7 Intanto che la me vita la era drio finirse, mi me go ricordà de Geovà. Alora, la me orassion la ze rivada fin ti, rento el to santo témpio. 9 Invesse mi, mi vao darte sacrifissi par ringrassiarte. Quel che go prometesto, vao far. La salvassion la vien de Geovà.