Proverbi

18 Quel che no’l vol restar con nissuni el va drio ale so pròpie voie. Lu el se ricusa dimostrar sabedoria. 10 El nome de Geovà l’è una forte tore. El giusto el core rento de ela e el riceve protession. 11 Par el sior, la so richessa la ze come una forte cità. Nela so imaginassion, la ze come muri de protession. 13 Quel che risponde vanti de scoltar i fati l’è stùpido e l’è una umiliassion par lu. 15 El cuor dela persona inteligente el riva a gaver cognossensa, e la récia del sàbio la va in serca del saver. 17 Quel che el parla prima nte un tribunal el par che el ga rason, ma vien quel altro e el ghe domanda se l’è pròpio cossita. 19 L’è pi fàcile ndar rento una cità ben protegesta che far la pace con un fradel ofendesto. E ghen’è barufe che le ze come le tranche de una fortalessa. 21 La léngua la ga el poder de causar la vita o la morte. Quei che i ghe piase de doperarla i magnarà i so fruti. 24 Ghen’è amighi che i ze pronti par finirse fora un col altro, ma ghen’è un amigo che se taca de pi che un fradel.