2 Corinti

2 Mi cognosso un omo in union con Cristo che fà belche 14 ani che l’è stà portà via nel terso cielo. No sò mia se col corpo o fora del corpo, Dio el sa. 3 Mi cognosso questo omo che, no sò se col corpo o fora del corpo, Dio lo sa, 4 l’è stà portà nel paradiso e che el ga scoltà parole che no se pol dir e che i òmini no i pol parlar. 7 sol par causa dele rivelassion tanto bele che go ricevesto. Par no esser massa orgolioso, me ga dato un spin nela carne, un àngelo de Sàtana, che el seita darme sciafon, par che mi no sìpia orgolioso. 8 Tre volte go suplicà el Signor che me lo cavasse via. 9 Ma Lu el me ga rispondesto: “Te basta la maraveiosa bontà che te go mostrà, parché el me poder l’è fato pi forte nela fiachessa.” Alora, mi sarò contento de esser orgolioso dele me fiachesse, cossita el poder de Cristo el resta sora de mi come una protession. 10 Par quela mi son contento dele fiachesse, dele parole che i me dise su, dei momenti de nessessità, dele perseghission e dele dificoltà par amor de Cristo. Parché quando che mi son fiaco, alora mi son poderoso. 15 Ma mi gavarò tanto caro de dar tuto quel che go e de guastarme del tuto par valtri. Se mi ve amo tanto cossita, sarà che mèrito che valtri me amé manco?