Romani

2 Par esémpio, la dona che la ze maridada la ga de seitar col so sposo e rispetar la so lege intanto che lu l’è vivo. Ma se lu el more, ela la ze lìbera dela lege del so sposo. 13 Alora, l’è possìbile che qualcossa de bon el me mene ala morte? Sicuro che nò! L’è stà el pecato, che par mostrarse pecato, el ga causà la me morte par meso de quel che l’è bon. Cossita, par meso del comandamento el pecato l’è deventà ancora pi grave. 14 Savemo che la lege la ze de Dio, ma mi son imperfeto, vendesto come schiavo del pecato. 15 Mi no capisso quel che fao parché mi no fao quel che mi vui ma fao quel che mi òdio. 16 Ma se mi fao quel che mi no vui, mi sò che la lege la ze bona. 17 Ma adesso no son pi mi a far cossita, ma l’è el pecato che l’è de star in mi. 18 Parché mi sò che rento de mi, o sia, nela me carne, no ghen’è gnente de bon. Rento de mi ghen’è la voia de far quel che l’è bon, ma nò la capassità de farlo. 19 No fao le bone cose che vui far. Invesse, le brute cose che mi no vui far le ze quele che mi fao. 20 Alora, se mi fao quel che mi no vui, no son pi mi a farlo, ma l’è el pecato che l’è de star rento de mi. 21 Mi vedo rento de mi questa lege: quando mi vui far quel che l’è giusto, rento de mi ghen’è quel che l’è mal. 22 Me piase tanto la lege de Dio, de acordo col omo che mi son par rento. 23 Ma vedo nel me corpo nantra lege che la barufa contra la lege dela me mente, e la me mena prisionero dela lege del pecato che l’è nel me corpo. 24 Poareto de mi! Chi che me liberarà del corpo che l’è soto la autorità dela morte? 25 Mi ringràssio a Dio, par meso de Gesù Cristo, el nostro Signor! Alora, cola me mente mi son schiavo dela lege de Dio, ma cola me carne, mi son schiavo dela lege del pecato.