Apocalisse

14 Alora go visto el Piegoreto in pié nel monte Sion, e con lu 144.000 che i ga el so nome e el nome de so Pare scrito su la fronte. 2 Go scoltà un son che el vegnea del cielo, come fà el son de tanta àqua e come el son de una forte tronada. El son che go scoltà l’era come de cantori che i cantea e i sonea le so arpe. 3 Lori i era drio cantar quel parea un novo càntico davanti del trono, dei quatro cherubini e dei ansiani. Sol i 144.000, che i ze stati compradi dela tera, i podea imparar questo càntico. 4 Questi i ze quei che no i se ga contaminà cole done; infati, lori i ze vergini. Questi i ze quei che i seita ndar drio al Piegoreto no importa ndove lu el va. Lori i ze stati compradi intrà la umanità come primìssie par Dio e par el Piegoreto, 6 E mi go visto nantro àngelo zolando in meso al cielo e el gavea bone notìssie eterne par proclamar a quei che i vive nela tera, a cada nassion, tribo, léngua e pòpolo. 7 Lu el disea con alta voce: “Temé a Dio e deghe glòria, parché l’è rivà la ora del so giulgamento. Cossita, gavé de adorar quel che el ga fato el cielo, la tera, el mar e le fontane de àque.”