Ati dei Apòstoli
12 In quela època, el rè Erode el ga scomìnsia a farghe mal a arquanti dela congregassion. 2 Lu el ga mandà copar cola spada Tiago, fradel de Gioani. 3 Quando el ga visto che questo fea i giudei contenti, el ga metesto in preson anca Piero. (Questo ga sucedesto nei giorni dei Pan sensa Levà) 4 Lu lo ga metesto in preson, e el ga fato che 4 grupi de soldadi, con 4 soldadi in cada grupo, i ghe fesse la guarda. Lu el volea farghe restar davanti el pòpolo dopo dela pàscoa. 5 Alora Piero l’era in preson, ma la congregassion la seitea a far forte sùpliche par Dio giutarlo. 6 Erode el ndea presentar Piero. In quela note, lu l’era drio dormir, imprisionà con due cadene intrà due soldadi e ghen’era guardi davanti la porta par tender dela preson. 7 De colpo el àngelo de Geovà l’è vegnesto, e una luce ga sciarà la preson. El ga tocà Piero e lo ga desmissià, e el ghe ga dito: ”Svelto, àlsate su!” e ghe ze cascade le cadene dele so man.