Isaia

43 Adesso, cossita el dise Geovà, el to Creador, ò Giacò, quel che el te ga fato, ò Israel: “No stà gaver paura, parché te go salvà. Te go ciamà par to nome. Ti te sì mio. 2 Quando te ndarè in meso la àqua, mi sarò con ti. Quando te ndarè de quel’altra banda dei rii, la àqua no la vegnarà par sora de ti. Quando te caminarè nel fogo, no te ndarè mia scotarte, gnanca le fiame le te brusarà. 9 Che tute le nassion le sìpie meteste insieme nte un posto, che tute le persone le sìpie meteste insieme. Chi intrà de lori pol parlarne sora le robe prima che le suceda? Chi che pol dirne sora queste robe? Che le so testimònie ne mostre che lori i ze giusti o che so testimònie le scolte e parle: ‘L’è vero!’” 10 Geovà el dise: “Valtri sì le me testimònie, si, valtri sì el servo che mi go scoliesto. Cossita, valtri ndaré cognosserme e gaver fede in mi, e ndaré capir che son el medèsimo. Vanti de mi no ghen’era gnanca un Dio e dopo de mi no ghen’è stà nantro Dio. 11 Mi son Geovà, e no ghen’è altro che el pol salvarve.” 12 “E mi lo go anunsià, salvà e lo go fato saver intanto che no ghen’era gnanca un dio straniero intrà de valtri. Alora, valtri sì le me testimònie e mi son Dio”, dise Geovà. 13 E anca, mi son sempre el medèsimo, e no ghen’è nissuni che pol cavar via qualcossa dela me man. Quando mi fao qualcossa, chi che pol fermarme? 21 Lori i ze quei che go scoliesto par mi, par parlar sora la me glòria.