Giò

2 Dopo de questo, l’è rivà el giorno che i fioi del vero Dio i ze ndati davanti a Geovà, e anca Sàtana l’è ndato insieme de lori par ndar davanti de Geovà. 2 Alora Geovà el ga domandà a Sàtana: “De ndove sito vegnesto?” Sàtana el ga dito a Geovà: “Mi ero drio caminar in volta par la tera.” 3 E Geovà el ga dito a Sàtana: “Gheto visto el me servo Giò? No ghen’è nissun compagno a lu nela tera. Lu l’è un omo sensa colpa e giusto. Lu el teme a Dio e el stà distante dele robe rugne. Anca se te proi farme ndar contra de lu par finirlo fora sensa che el mèrite, lu el seita a esser sensa colpa.” 4 Ma Sátana el ga dito a Geovà: “Pele par pele. El omo el darà tuto quel che el ga par salvar la so vita. 5 Ma adesso leva su la man e ataca el so osso e la so carne, e sicuro che el te maledirà nela to fàcia.” 6 Alora, Geovà el ga dito a Sàtana: “Te pol far quel che te vol con lu, sol no stà mia coparlo!” 7 Dopo, Sàtana l’è ndato via de davanti a Geovà e el ga fato che Giò el gavesse bruschi che ghe fea tanto mal soto i pié fin su la testa. 8 E Giò el ga ciapà un toco de un vaso spacà par gratarse e l’è restà sentà do in meso le sendre. 9 Dopo so dona la ghe ga dito: “Te seiti ancora leal? Maledissi a Dio e mori!” 10 Lu el ghe ga dito: “Te sì drio parlar come una dona sensa giudìssio. Te pensi che ghemo de acetar solche le robe bone che el vero Dio el ne dà, e no acetar anca quele rugne?” Anca dopo de tuto quel che el ga sofrio, Giò no’l ga pecà in quel che el ga dito. 13 Alora i se ga sentà do in tera con lu par sete giorni e sete note. Ma nissuni i ghe ga dito gnente, parché i ga visto che el so dolor l’era tanto grando.