Proverbi
4 No stà doperar tute le to forse par guadagnar richesse. Fèrmate e mostra che te sì bon de capir. 5 Quando che te ghe mete su i oci, le ze belche sparie, parché sicuro che le va crear ale e zolar come una àghia par el cielo. 15 Fiol mio, se te deventi una persona che ga el saver, el me cuor el restarà contento. 16 Ndarò restar pien de alegria se te parli quel che l’è giusto coi to lavri. 20 No stà restar intrà quei che i beve massa vin e gnanca intrà quei che i se sgionfa de carne, 21 parché el ciucheton e el sgordo i restarà poareti, e el sono li vestirà de strassi. 22 Scolta al to pare, de chi te ghè ricevesto la to vita. E no stà mia far poco de to mare sol parché la ze deventada vècia. 23 Compra la verità e no stà mai vénderla, anca la sabedoria, la dissiplina e la comprension. 24 L’è sicuro che el pare de un giusto el restarà pien de alegria. Quel che l’è pare de un fiol sapiente el va contentarse par causa de lu. 25 El so pare e la so mare i restarà contenti, e quela che lo ga bio la va restar piena de alegria.