1 Tessalonissensi

3 La volontà de Dio la ze che valtri sìpie santi e che no fé imoralità sessual. 4 Cada un de valtri el ga de saver come controlar el so corpo con santità e onor, 5 e no ndar drio ala voia sessual sensa controlo, come le fà le persone dele nassion che no le cognosse a Dio. 6 Nissuni el ga de far qualcossa che passa dei limiti morai e cavar via i diriti del so fradel in queste robe, parché Geovà el castiga tuti questi pecati, come che ve ghemo belche dito e assà ciaro nantra volta. 9 Ma, no ocore mia che ve scrivemo sora el amor intrà i fradei, parché Dio el ve insegna a amar un al altro. 10 Valtri sì belche drio far pròpio cossita coi fradei de tuta la Massedonia. Ma fradei, ve domandemo che seité a mostrar questo amor cada volta de pi. 13 E ancora, fradei, no volemo che valtri resté sensa saver gnente sora quei che i ze drio dormir nela morte. Cossita no ndaré restar massa tristi come quei che no i ga speransa. 15 De acordo cola parola de Geovà, noantri disemo questo: noantri che semo vivi e saremo ancora vivi durante la presensa del Signor saremo portadi su nel cielo. Ma quei che i ze belche morti i sarà portadi su nel cielo prima, e noantri saremo portadi su dopo de lori; 16 parché el pròpio Signor el vegnerà do del cielo con un comando, con voce de arcàngelo e cola trombeta de Dio, e quei che i ze morti in union con Cristo i sarà i primi a ressussitar. 17 Dopo de questo, noantri che semo vivi e saremo ancora in vita saremo portadi su nele nuvole insieme con lori par catar el Signor nela aria; e cossita saremo sempre col Signor.