Proverbi

5 El sàbio el scolta e el riceve pi istrussion. El omo che l’è bon de capir le robe el va in serca de orientassion sàbia. 7 Par gaver la cognossensa, prima te ghè te de mostrar grando rispeto par Geovà. Sol i bauchi no i ghe dà valor ala sabedoria e ala dissiplina. 8 Me fiol, scolta la dissiplina de to pare e no stà mia assar de banda quel che to mare la te ga insegnà. 9 Queste robe le ze come una bela corona de fiori par la to testa e come una bela roba che se mete nel col. 20 La vera sabedoria la osa nele strade, la parla forte nele piasse. 21 La osa par strada ndove ghen’è tanta gente. E nei portoni dela cità ela la dise: 22 “Valtri che no savé gnente, fin quando restaré contenti de no saver gnente? Valtri che tolé in giro i altri, fin quando ve piaserà farlo? E valtri che sì stùpidi, fin quando ndaré odiar el saver? 23 Scolté la me dissiplina. Alora ve darò el me spìrito par giutarve e ve farò cognosser le me parole. 24 Mi ve go ciamà, ma valtri no gavé volesto scoltarme. Ve go stirà la me man, ma nissuni i me ga badà. 25 Valtri seitei a no dar valor ai me consili e a assar de banda la me dissiplina.