Salmi

9 Come che un gióveno el pol seitar viver de una maniera pura? El ga de star atento par far tuto de acordo cola to parola. 10 Mi vao in serca de ti con tuto el me cuor. Giutame a nò assar de banda i to comandamenti. 11 Meto via nel me cuor le to parole, par no pecar contra ti. 18 Verdi i me oci par mi veder de maniera ciara le cose maraveiose dela to lege. 32 Farò presto in obedir i to comandamenti, parché te verdi un posto par questo nel me cuor. 33 Ò Geovà, insegname a seghir le to lege e mi vao obedirle fin el fin. 34 Fàme capir. Cossita sarò bon de obedir ala to lege e de far de tuto el me cuor quel che la dise. 45 Mi vao caminar nte un posto sicuro, parché vao in serca dele to òrdine. 46 Vao parlar davanti dei rè quel che te ghè avisà, e lo farò sensa gaver vergogna. 47 Me piase tanto dei to comandamenti, mi i amo pròpio. 50 La to parola la me consola nela me aflission, parché ela la me fà restar vivo. 51 I aroganti i seita riderme drio, ma mi no asso de obedir la to lege. 52 Me ricordo dei to giulgamenti del passà, ò Geovà, e lori i me consola. 59 Son drio pensar sora la me maniera de viver, par tornar a far quel che te me ghè belche dito de far. 60 Mi vao suito e no vao meterghe par obedir i to comandamenti. 63 Mi son amigo de tuti quei che i te teme e de quei che i obedisse ale to òrdine. 66 Insègname el bon giudìssio e la cognossensa, parché me fido nei to comandamenti. 76 Par piaser, che el to amor leal el me dae consolo de acordo cola promessa che te ghè fato al to servo. 97 Mi amo tanto la lege de Dio! Mi ghe penso sora quel che la dise tuto el giorno. 98 El to comandamento el me fà gaver de pi saver che i me nemighi, parché lu l’è sempre insieme de mi. 99 Go de pi saver de che tuti i me maestri, parché ghe penso sora i to avisi. 105 La to parola la ze come una làmpada che la sciara ndove mi son drio caminar e come una luce che la slusa la me strada. 113 Mi òdio quei che i ga un cuor spartio, ma mi amo la to lege. 128 Par quela, mi son sicuro che tuto quel che te insegni l’è giusto. Mi òdio tuto quel che no l’è vera. 133 Cole to parole, mostrame el posto sicuro che go de pestar. Che gnente me fae sbaliar. 138 I to avisi i ze giusti e se pol fidarse del tuto. 140 Le to parole le ze pure del tuto, e el to servo le ama. 145 Prego a ti de tuto el cuor. Rispondeme, ò Geovà. Vao obedir ale to lege. 160 Tute le to parole le ze vere. Tuti i to giulgamenti i ze giusti e i resta par sempre. 161 I prìnsipi i me vien contra par gnente, ma el me cuor el resta maraveià cole to parole. 163 Mi òdio quel che no l’è vera, mi lo òdio pròpio tanto. Mi amo la to lege. 164 Mi te lodo sete volte al giorno parché te giulghi con giustìssia. 165 Quei che i ama la to lege i ga tanta pace e gnanca una roba pol farli strabucarse. 167 Son atento ai to avisi. Li amo tanto. 168 Obedisso ale to òrdine e ai to avisi, parché te sè tuto quel che fao. 176 Son restà distante come una piégora persa. Vien in serca del to servo, parché no me son mai desmentegà dei to comandamenti.