Geremia

4 Geovà el me ga dito cossita: 5 “Mi belche te cognossea vanti de formarte nela pansa de to mama. E mi te go santificà vanti che te nassessi. Mi te go scoliesto par esser profeta par le nassion.” 6 Ma mi ghe go dito: “Nò, Sovrano Signor Geovà! No sò gnanca parlar. Son sol un tosato.” 7 Alora Geovà el me ga dito: “No stà dir: ‘Son sol un tosato.’ Ma te ghè de ndar parlar a quei che te mando e te ghè de dir tuto quel che te comando. 8 No stà gaver paura de lori, parché Geovà el dise: ‘Mi son con ti par salvarte.’” 9 Alora Geovà el ga stirà la man e el ga tocà la me boca. E Geovà el me ga dito: “Son drio meter le me parole nela to boca. 11 Geovà el ga parlà nantra volta con mi: “Cossa sito drio veder, Geremia?” E mi ghe go rispondesto: “Son drio veder un ramo de una pianta de améndoa.”