Mateo

3 El ga spiegà a lori tante robe par meso de ilustrassion. Lu el ga dito: “Scolté: Un semenador l’è ndato semenar. 4 Intanto che el semenea, arquante semense le ze cascade nela banda dela strada. I osei i ze vegnesti e le ga magnà. 5 Altre le ze cascade in meso dei sassi e le ga butà suito parché ghen’era poca tera. 6 Ma par causa del sol, le se ga brusà e le ze restade fiape parché no le gavea radise. 16 Ma, valtri sì felice parché i vostri oci i vede e le vostre récie le scolta. 19 Quando qualchedun el scolta sora el Regno ma no’l capisse mia, vien el Perverso e el cava via quel che l’è stato semenà nel so cuor. Questa la ze la semensa che la ze stà semenada drio la strada. 20 Quela che la ze stata semenada in meso i sassi l’è quel che el scolta la parola e suito la aceta con alegria. 21 Ma lu no’l ga radise nel so cuor. Alora, el va avanti par un tempo e quando vien le dificoltà o perseghission par causa dela parola, suito el se strabuca. 22 Quela che la ze stata semenada in meso i spini l’è quel che el scolta la parola, ma le ansietà de questo mondo e el poder che le richesse le ga de imbroiar i sofega la parola, e lu no’l dà pi fruto. 23 Quela che la ze stata semenada nte una tera bona l’è quel che scolta la parola e el capisse quel che la vol dir e el dà pròpio fruto e el produse, questo 100 volte de pi, quel altro 60 volte de pi e quel altro 30 volte de pi. 34 Gesù el ga parlà tuto questo ale persone par meso de ilustrassion. Veramente lu no’l parlea gnente sensa ilustrassion, 35 par compir le parole del profeta, che el ga dito: “Vao verder la me boca con ilustrassion, vao proclamar le cose sconte fà tanto tempo.” 44 “El Regno del cielo l’è come un tesoro sconto nel campo che un omo lo ga catà e lo ga sconto nantra volta. L’è restà tanto contento che l’è ndato e el ga vendesto tute le robe che el gavea e el ga comprà quel campo. 45 “Anca, el Regno del cielo l’è come un omo che compra e vende che el ndea in serca de pèrole de bona qualità. 46 Quando el ga catà una pèrola de grando valor, l’è ndato e el ga vendesto suito tute le robe che el gavea, e la ga comprada. 47 “Anca, el Regno del cielo l’è come una rede de un pescador che la ze stata butada nel mar e che la ga tolto su pessi de tuti i tipi. 48 Quando la ze restada piena, i pescadori i la ga portada nela praia, i se ga sentà e i ga metesto i pessi boni in seste, ma quei rugni i ga butà via. 49 Sarà cossita nel fin del sistema de robe. I àngeli i ndarà via e i ndarà spartir i rugni dei giusti.