Ezechiel

7 “Ma ti, fiol del omo, mi te go scoliesto par tender dela casa de Israel. Alora, te ghè de dir al pòpolo el aviso che dao. 8 Se mi digo a quel che l’è rugno: ‘Sicuro che te ndarè morir’, ma no te ghe disi gnente, lu no’l ndarà cambiar. Lu el ndarà morir par causa dei so sbali, ma te sì ti che te gavarè la colpa. 11 Parlaghe: ‘Cossita el dise el Sovrano Signor Geovà: “Cossita come l’è vera che son vivo, l’è vera che no me piase che quei che i ze rugni i mora, ma si che lori i càmbie quel che i fà e che i seite a viver. Ò valtri dela casa de Israel, ciameve grami e fermeve de far quel che l’è sbalià. Parché che gavarissi de morir?”’ 14 “‘Ma se mi digo a quel che l’è rugno: “Sicuro che te ndarè morir”, e lu el se ferma de far quel che l’è sbalià, el fà quel che l’è bon e giusto, 15 el dà indrio quel che el ga ciapà come garansia de un imprèstio e quel che el ga ciavà, el se ferma de far quel che l’è sbalià e el obedisse ale lege, sicuro che el seitarà a viver. Lu no’l ndarà morir. 16 I sbali che el ga fato no i sarà pi ricordadi. Lu el seitarà a viver parché el ga fato quel che l’è bon e giusto.’