Ezechiel

4 Mi te farò tornar indrio, meterò ganci nela to boca e te farò ndar con tuto el to esèrsito, cavai e cavalieri. Tuti lori i ze vestidi con bele robe, un grando esèrsito con scudi grandi e pìcoli e con spade in man. 10 “Cossi dise el Sovrano Signor Geovà: ‘In quel giorno, vegnarà pensamenti nel to cuor e ti te pensarè come far una bruta cosa. 11 Ti te dirè: “Mi invadirò la tera de pòpoli sensa protession. Mi ndarò contra quei che i ze de star in sicuressa, che no i ze disturbadi. Lori i ze de star in posti sensa muraia, tranche o portoni.” 12 El to ogetivo el sarà ciapar e portar via tante cose, e el sarà atacar i posti che i era destruti ma che adesso ghen’è persone che le vive lì e un pòpolo che l’è stato riunio intrà le nassion, un pòpolo che l’è drio imuciar richesse e cose de valor e che l’è de star in meso del mondo. 15 Te ndarè vegner del to posto, dele parte pi distante del nord, insieme de tanti pòpoli, tuti montadi su nei so cavai, un grando esèrsito, una granda forsa militar. 16 Te vegnarè contra el me pòpolo Israel come nùvole che le querze la tera. Nela parte final dei giorni vao farte vegner contra la me tera, par far le nassion cognósserme quando mi vao santificarme davanti dei oci de lore par meso ti, ò Goghe.”’ 22 Ndarò castigarlo con peste e tanto sangue ndarà par tera. Farò piover a sécie reverse, una tempesta con sassi, fogo e sólfaro sora lu, sora i so soldadi e sora tute le persone che le va insieme con lu. 23 Mi mostrarò la me glòria tanto granda, mostrarò che son un Dio santo e farò con che tante nassion le me cognossa. E le saverà che mi son Geovà.’